جاپان کی شمالی کوریا کے میزائل پروگرام کو تباہ کرنے کی دھمکی

مہر خبررساں ایجنسی نے غیر ملکی ذرائع کے حوالے سے نقل کیا ہے کہ جاپان نے دھمکی دی ہے کہ اگر شمالی کوریا کا میزائل پروگرام جاپان کے لئے خطرے کا باعث بنا تو اسے تباہ کردیا جائے گا۔ اطلاعات کے مطابق شمالی کوریا کے سربراہ پیونگ یانگ نے اعلان کیا تھا کہ وہ رواں ماہ اسپیس میزائل متعارف کرارہے ہیں جس پر جاپانی وزیردفاع جنرل ناکاتانی کا کہنا ہے کہ یہ یقینی بات ہے کہ اگر ایسا کوئی میزائل بنایا گیا تو اس کا استعمال جاپانی سرزمین پر کیا جائے گا اس لئے کسی بھی جارحیت کی صورت میں اس میزائل کو فوری تباہ کردیا جائے گا۔ جاپانی وزیردفاع کا کہنا ہے کہ غالب امکان ہے کہ شمالی کوریا  اپنے اسپیس میزائل کو سیٹیلائٹ کا نام دے گا جب کہ وزیردفاع کی جانب سے جاری ہونے والے حکم کا اطلاق بلیسٹک میزائل پیک تھری پرہوگا جو زمین سے فضا میں اپنے ہدف کو نشانہ بنانے کی صلاحیت رکھتا ہے جب کہ حکم نامہ 25 فروری تک مؤثرہوگا۔واضح رہے کہ شمالی کوریا کے سربراہ پیونگ یانگ کی جانب سے جس اسپیس میزائل کو متعارف کئے جانے کا اعلان کیا گیا ہے وہ 8 فروری کے بعد منظرعام پرآسکتا ہے۔